ثانويه 86 قدرات 76 تحصيلي 70 يمدي ولالا وكم استفسار لاتخلوني !!

السلام عليكم

اخباركم شباب

نسبي واضحه ياحلوين وهل فيه ناس مثل نسبي وقبلو بالمراحل السابقه ؟؟

طيب اذا عندي واسطه وابي اجتاز القبول الالكتروني هل اقدر اكتب نسبي 90 و 80 و70 عشان يقبلوني مبدئيا

وبعدين اسنع وضعي ؟؟

الشي الثاني لو قبلت ووفق لله اقدر اغير تخصصي لادارة اعمال بعد ما اجتاز اللغه ؟ يعني فيه مجال ادبر واسطه او موضوع مغلق ومافي امل

الشي الثالث باب الالاتحاق وش ايسر طريقه للالتحاق ونبذه عنه


والله يوفق وييسر كل شخص قرى موضوعي وساعدني او ماقدر يساعدني ودعالي من قلبه (F)

غير عن كذا الانقليزي عندي قوي وبالمستوى الخامس هل يفيدني بالقبول او لا

لو عندك واسطة .. كلم واسطتك وشوف بايش يقدر يساعدك .. :D

ياخوان مايصير محد تجاوب معي ليش :(

يا خوووي خلي واسطتك الله ...

نسبك ما تأهلك تقدم ع البعثة بالمررة ...

بالتوفيق ...

وش ذالكلام اللي يقطع القلب

واسطتي الله واللي كاتبه الله بيصير

ابي ردود يا اخوان

هذا مو كلام يقطع القلب هذه هي الحقيقة ...

لانك مو مستوفي لجميع الشروووط ... الثانوي هي المطلوبة 90% و فوووق ... والقدرات انت الحمدلله جبت الدرجة الحلوة ... التحصيلي المطلوب 75% و فوووق ...

ممكن عند اصدار قرار الابتعاث يكتشفون انك مو مستوفي للشروو ط يلغوها عليك بكل سهولة ... و راح تكون نفسيتك 0%



بالتوفيق ...

يا رجال انا كنت محتطم اكثر منك بس الشباب ماقصرو رفعو معنوياتي صححححح

خلها على ربك كلها يومين ونشوف وش بيصير

اخ فهد انا قدمت السنة الي راحت عالمرحلة الخامسة .. وكنت مستوفية الشروط ماعدا التحصيلي كان المطلوب 77 و فوق و انا 76 ..وقت التقديم الالكتروني حطيتها 77 قلت عشان مبدئيا و كذا .. وقت رحت عالتدقيق رجعوني بكل خيبة امل :( قالولي حتى لو درجة!!! شروطنا واضحة ..

انا ماابا اجيبلك احباط بس والله مره يدققوا .. انتا سوي اللي تقدر عليه والله يوفقك

انا لله وانا اليه راجعون

حتى هني واسطه

ما تكفي بعض الجامعات اللي والله العظيم يبطون الجبد

في جامعه ما ابي ادكر اسمها توها هدا السبوع طلعت نتايج القبول

وانا درجاتي فوق والحمد لله 81 قياس 80 تحصيلي 91 ثانوي

لكن اتفاجئ انهم ما قبلوني وقبلو واحد اعرفه عنده واسطه درجاته كالتالي :
69 قياس 72 تحصيلي 96 ثانوي

مع العلم ان نسبتي المركبه طلعت 82 ونص

وهو ما ادري كم طلعت لكن اقل مني بكثييير

مع هدا انا ما انقبلت وهو انقبل

الشكوى لله عز وجل

السلام عليكم اخوي ابو الضبان
حبيت اسالك عن يوم تسجل في المرجله الخامسه......ما قالو لك ليش رفضوك؟؟؟؟

وثاني شي وشي تخصص الي مسجل فيه؟؟؟؟؟
************************************
محتاج اجوبه هذي الاسئله لان درجاتي نفس درجاتك
وسلامتك

طيب .. انا يا ناس جبت 99 ثانوي و74 قدرات و76 التحصيلي .. هل في امكانية اني انقبل ,.؟

لو يحصل لك روح على حسابك ثم كلم
واسطتك بعد دعائك لله سبحانه وتعالى ثم التحق بالبعثه
وبالتوفيق

اقتباس:

---

المشاركة الأصلية كتبت بواسطة عبدالعزيز المخلفي

طيب .. انا يا ناس جبت 99 ثانوي و74 قدرات و76 التحصيلي .. هل في امكانية اني انقبل ,.؟

---

اللي اشوفه درجاتك حلوه ماشاء الله
توكل على الله وقدم ماتدري النصيب وين
بالتوفيق,,,

مشكووور .. اخوي سوبر

مشكورين ياشباب والله يوفقني وياكم وكلنا ننقبل يارب

بس ابي واحد عنده خبره يرد على موضوعي ويرد على كل نقطه

انا بحييييره

ااااااااااااااااااااه بس يقطع قلبي اشوف ناس مجتهدة ماتحصل لها نصيب ببساطة مامعها واسطة
وناس مرييييييييييحه عالااااااخر وبعدين تجيب واسطة وتدخل الي تبي

يارجال لا واسطه ولا كلام فاااااضي
والله ن الشروط واضحه جدا
واذا ماجبنا الشروط حطينها في الواسطه

انا نسبتي المركبه 83.94 والمطلوب للملك فهد للبترول والمعادن 84
وانا كان طموحي الاول هي
بس وش اقدر اسوي الشروط وااااضحه وقدر الله وماشاء فعل
الانسان قد كتب له رزقه من قبل ان يولد

والله خلي واسطتك بالله افضل من الناس والثانويه شوي عندك نازله لو شاد حيلك في الثانوي كان تقدرتقدم بعثه على العموم الله يوفق ويكتب لك الله الي فيه الخير والصلاح